Nahatod na sa Department of Social Welfare and Development ang mikabat sa P70milyon nga kantidad sa tabang sa mga residente nga grabeng naapektuhan sa nasinatiang bagyong Carina ug hangin nga habagat sa nasud Pilipinas.
Kini ang gikumpirma sa ahensya nga gibuhat nga situation meeting kagahapong adlawa kauban si Pangulong Ferdinand Marcos Jr. Sigon ni DSWD Assistant Secretary ug Spokesperson Irene Dumlao nga nakahatag na sila og mga fmaily food packs, family kits, hygiene kits, laminated snacks, kitchen kits ug uban pa nga relief items alang sa mga paektado nga pamilya.
Sa datos sa ahensya, miabot na sa 400,000 ka mga pamilya o kapin 1,5 milyon nga indibdual ang natala nga apektado. Kini ang naggikan sa dul-an 2,000 na ka mga barangay sa nagkadaiyang bahin sa rehiyon sa Pilipinas.
Anaa usab sa 42,000 ka box sa fmaily food packs ang na-apod-apod na sa ahensya ngadto sa CALABARZON samtang 4,000 hangtod sa 10,000 ka nga FFP’s ang pagadal-on sa mga mosunod nga adlaw.
Nahatod na usab sa ahensya ang pipila ka food and non-food items kong diin midawat kini sila og 20,000 financial assistance ang mga indibidual gikan sa CALABRANZON ug Cordillera Administration Region.
