DAVAO CITY – Nakakolekta ang Vices Regulation Unit (VRU) sa Davao City og kinatibuk-ang kantidad nga P7 milyones nga multa gikan sa mga nakalapas sa anti-smoking, liquor ban, ug sobriety ordinance sa siyudad sukad niadtong Hulyo 2023.
Gikanayon ni Hernando Las, ang nanguna sa VRU, nga kadaghanan sa mga kaso ang nakalapas sa liquor ban sa siyudad, diin ang kadaghanan nahitabo atol sa apprehension sa tabang sa PNP sukad sa pagtapos sa pandemya.
Ang VRU, kauban ang PNP, nagtrabaho aron ipatuman ang mga ordinansa ug nadakpan ang daghang mga naglapas, labi na pagkahuman sa pandemya.
Ang liquor ban nagdili sa pagpalit ug pag-inom og ilimnong makahubog sa mga pampublikong lugar gikan sa ala-1 sa buntag hangtod sa alas-8 sa buntag, ug bisan ang paghupot ug mga ilimnong makahubog sulod niining panahona ang makonsiderar nga kalapasan.
Nagpahinumdum sa publiko ang buhatan nga likayan ang pagpanigarilyo sa mga pampublikong lugar ug paggamit sa mga designated smoking areas, ug dili gawasnon sa ordinansa ang mga bisita sa syudad.
Adunay gimuntar nga smoking area sa mga mall ug dagkong establisemento sa halos tanang bahin sa dakbayan.
via || Bombo LJF
