DAVAO CITY – Nasubo ang Bureau of Fire Protection nga bisan pa sa ilang hugtanon nga pahimangno mokabat pa gihapon sa P5.3 milyones ka pesos nga balor sa mga istraktura ug mga sakyanan ang naugdaw sa mga sunog nga pinakaulahi nga miigo sa dakbayan sa Davao.
Miulbo ang duha ka mga managlahi nga sunog sa Lasang ug Baguio district, ning dakbayan sa Davao.
Ang Jiefu Team Incorporated, usa ka exporting company nga nahimutang sa Lasang, Bunawan, nakahi-agum ug P850,000 ka pesos nga danyos, samtang ang usa ka bodega sa Baguio District nga gipanag-iya sa usa ka Rogelio ug Sugar Mae Calamunggay nakahi-agum ug P4.5-ka milyon ka pesos nga damyos atol sa sunog.
Sumala pa kang Fire Officer 2 Juvil Padang sa Bureau of Fire Protection (BFP)-Davao nga ang insidente managsama nga mugna sa electrical overload.
Lima ka mga sakyanan, siyam ka mga motorcycle bikes, stocks sa semento, ug usa ka factory nga na-undan sa stockpile sa styrofoam ang naguba sa dakung sunog.
Dugang pa ni Padang nga ang sunog, nga miulbo sa ibabaw nga bahin sa Jiefu building, nakontrola mga alas 12:30 sa kaadlawon.
Samtang ang ang sunog nga miugdaw sa bodegana, kontrola mga 2:15 sab kaadlawon. Wala’y bisan usa nga angol sa nahitabo nga sunog sa managlahi nga lugar sa dagkhanan sa Davao.
