DAVAO CITY- Mokabat sa 51 ka mga karton ug walo ka mga 8 reams sa palusot nga sigarilyo ang nakumpiska nga nagkantidad ug Php 410,000 pesos gumikan sa kasupakan sa balaod nga RA. 10643.
Subay sa report sa kapulisan nga pasado alas dose ang takna kaganihang kaadlawon gipahigayin ang operasyon sa gipahigayong checkpoint atuban sa gasoline station sa Ulas, Brgy. Talomo, Davao City.
Giila sa mga otoridad ang dinakpan nga sila Alias Judy , 27 -anyos lalaki, adunay kaipon, ug drayber nga residente sa Boog, Zamboanga Sibugay ug usa ka alias Abdul 29 anyos usa ka Laborer nga residente sa Zone 3, Julu, Sulu.
Subay sa imbistigasyon sa kapulisan nga gumikan sa nadawat niini nga reports nga adunay nagpalusot ug sigarilyo gilayon nila kining giaksyonan.
Nakumpiska sab sa mga otoridad ang mga nagkadaiyang pakete sa iligal nga droga kon shabu.
Ang mga dinakpan ang anaa na sa kostudiya sa Talomo PNP samtang sakyanan nga gigamit sa transaksyon nga usa ka Ultra dumped truck ang gikustudiya sa kapulisan.
