Posibleng ipadayon sa transport groups nga nahilakip sa magnificent 7 ang P2 nga dugang pletihan sa mga jeepney.
Gipahayag ni Pasang Masda President Obet Martin, maghinabi sila karong semanaha aron ma-finalize ang desisyon kung ipadayon ang dugang plitehan.
Gipahayag pa niini nga gikinahanglan niya ang suporta sa mayoriya sa iyang mga kaubanan. Matod pa niini nga P1.50 hangtod P2 ang mamahimo nilang ipasaka sa plitehan, samtang posible usab nilang pangayuon ang provisional increase nga P1 ug wagtangon usab sa higayong mo-ubos na ang presyo sa gasolina ug diesel.
Bisan paman nga sunod-sunod ang pagsaka sa presyo sa produktong petrolyo, dili nila intensyon nga palisuron ang mga pasahero sa pagsaka sa plitehan.
Dili usab niini masakitan ang mananakay ug gibalanse lamang nila ang kaayuhan sa mga mananakay nga mao ang mibuhi sa operator ug driver.
Ang minimum nga plitehan sa pagkakaron ang anaa sa P13 sa traditional jeepney ug P15 usab sa modernized jeepney.
Kung maaprubahan sa Land Transportation Franchising and Regulatory Board (LTFRB) ang petisyon sa fare increase, mamahimong P15 na ang plitehan sa traditional ug P17 usab sa modern jeepney.
