DAVAO CITY – Gumikan sa pagkasunog sa usa sa mga building sa Bernardo Carpio National High School sa Buhangin, ning dakbayan ipagamit na lamang una ngadto sa mga tinun-an ang bag-ong natukod nga school building.
Kini ang gihatagan ug katin-awan ni School Head Francisca T. Cuñado; Principal II sa tulongha-an.
Gawas pa niini manghulam lamang una extra nga gamit sa kasikbit nga tulongha-an.
Kahinumduman nga mikabat ngadto sa kapin P2.8 ka milyon ka pesos ang naabo sa pagkasunod sa usa sa mga gambalan sa maong tulongha-an.
Upat ka mga classrooms ang naugdaw human masunog ang usa ka building sa Bernardo Carpio National High School sa Barangay Buhangin, ning dakbayan sa Davao ning milabay nga gabii.
Daku na ang kalayo dihang naabtan sa kabomberohan ang nasunog nga gambalay sa maong tulonghaan sa Barangay Buhangin, ning dakbayan alas 11:00 kagabii.
Sakadako sa kalayo naglisod sa pagpalong ang kabomberohan.
Sa wala madugay mi-abot pa ang laing hut-ong sa kabomberohan.
Wala magsilbi ang kusog nga ulan gumikan kay padayon nga miulbo ang dakung kalayo.
Sumala sa magtutudlo nga si Rico Ocalinia sa ikaduhang andana sa gambalay misugod ang sunog.
Giusikan ang mga tinun-an sa gidangatan sa ilang laboratory building diin ginapahigayon ang pagtuon labot sa pagloto, bread and pastry, dress making ug beauty care.
Wala nasalba bisan usa sa mga gas range refrigerator, sawing machine, mga tela ug uban pa nga mga mahalong gamit sulod sa laboratory.
Gituohan sa kabomberohan nga electrical short circuit ang tinubdan sa sunog gumikan kay una nahitabo ang sunog nagbrownout sa tulongha-an.
