DAVAO CITY – Giaprobahan na sa mga magbabalaod sa 20th Davao City Council ang gisugyot nga P168 bilyon nga budget alang sa Local Development Investment Program kon LDIP 2024-2026.
Tumong sa programa nga mahatagan ang mga Davaoeño og infrastructure and non-infrastructure projects.
Ang LDIP naglangkob sa mga priority programs, activities, and projects (PAPs) nga nakaangkla sa 12-key point agenda sa kasamtangang administrasyon.
Ang mga kritikal nga lugar naglakip sa paghupay sa kakabos kon poverty alleviation, pagpalambo sa imprastraktura, solid waste management, kahimsog, edukasyon, human resource development, agrikultura ug agribisnes, pagpalambo sa suporta sa negosyo ug industriya, pagplano sa transportasyon ug pagdumala sa trapiko, peace and order, disaster risk reduction, maayong pagdumala pinaagi sa mga inobasyon ug ICT, ug tourism development and support services.
Kuhaon ang badyet sa programa gikan sa General Fund o uban pang mga pamaagi sa pagpondo.
Ang LDIP 2024-2026 naglangkob sa mga non-infrastructure projects, nga ang pinakadako nga alokasyon mao ang general public services nga anaa sa 45.76%.
Ang Annual Investment Program (AIP) para sa 2024 gikuha gikan sa LDIP 2024-2026, nga adunay mga non-infrastructure projects ug infrastructure projects.
via || Bombo LJF
