Narekober ang laing dakong kantidad sa gituohang illegal nga droga ang mga otoridad sa kadagatang bahin sa Barangay Chanaryan, Basco, Batanes.
Nakit-an ang maong illegal nga droga sa usa ka mananagat nga residente sa maong barangay ang 24 ka vacuum-sealed nga pakete og usa ka wala naablihan nga pakete na may markang “DAGUANYING” nga ang unod ang gituohang illegal nga droga.
Gibana-banaan nga anaa sa 24.5 kilos ang gimbug-aton sa maong illegal nga droga nga nagkantidad og kapin sa P166 million.
Pormal nga giturn-over sa Basco Municipal Police Station, ang maong illegal nga droga human sa paspas nga operasyon sa kooperasyon sa Batanes Police Provincial Office, PDEA RO2 Batanes PO, Basco Police Station, Provincial Intelligence Unit, Philippine Coast Guard, Philippine Navy, ug ang Mobile Battalion Landing Team 10-30 MC.
Sa pagkakaron, anaa na sa kustudiya sa PDEA Batanes Provincial Office ang nasampit nga mga droga, ug dalayong dad-on sa PDEA Region 2 Laboratory Office alang sa tukmang dokumentasyon ug imbestigasyon.
