Mokabat sa ₱12 bilyon ang total assets nga gi-freeze sa Anti-Money Laundering Council (AMLC), lakip ang ₱4 bilyon nga air assets ni Zaldy Co, 3,566 ka bank accounts, 198 ka insurance policies, 247 ka sakyanan, 178 ka real properties, ug 16 ka e-wallets.
Kini ang gipahibalo ni Pangulong Ferdinand Marcos Jr. Matod sa Presidente, sinugdanan pa lamang kini, ug sa mosunod nga mga adlaw mas daghan pang assets ang masuspedi aron mabalik ang kwarta sa katawhan.
Gipahayag usab sa Pangulo nga kini ang iyahang saad sa katawhan nga ang mga kwartang gikawat kinahanglan gayud nga mabalik sa publiko.
Gipasabut usab ni Marcos nga ang ICI ug DPWH motugyan na og ebidensiya sa Ombudsman aron irekomenda ang pagsaka og kaso nga plunder, anti-graft, bribery, ug conflict of interest batok sa walo ka kongresistang tag-iya og mga construction company.
