DAVAO CITY – Mokabat sa P11-milyon ang palusot nga mga sigarilyo nga gikarga sa motorized banca sa Tibungco.
Subay sa report sa mga otoridad, nababagan sa Naval Forces Eastern Mindanao ang usa ka dakong panagatan nga M/B Lady Doy, nga kargado sa ismagol nga sigarilyo sa baybayon sa Tibungco, ning syudad sa Davao.
Apan pag-abot sa mga otoridad, dali nga nakaambak ang mga crew ug gibilin ang 629 ka mga master cases nga nagkatidad og P11 million.
Gipahihayon usab sa PDEA 11 ang pagsubay sa mga kontrabando pinaagi sa sniffing dogs aron sutaon kung aduna ba’y iligal nga droga ang mga nakumpiska nga mga palusot nga sigarilyo.
Human sa gipahigayon nga inventory sa mga nakumpiska nga mga kontrabando ingon man ang motorized banca, gilayon kini nga gi-turned over ngadto sa Bureau of Customs (BOC).
Sa karon padayon pa ang gihimong imbistigasyon sa mga otoridad kabahin sa pagpalusot sa mga kinarton nga sigarilyo.
