DAVAO CITY – Unse milyones ka pesos ang gibana-bana nga kadaut sa sunod sa Barangay 26-C, ning dakbayan sa Davao nga baynte singko oras ayha hingpit nga gi-deklarang fireout.
Nangusina nga hubog hinongdan sa pag-ulbo sa dakung sunog sa Juan Luna Extension, Lizada St., Barangay 26-C, ning dakbayan sa Davao nga kaganinang alas 4:29 lamang na-deklara nga fireout human sa 25 oras nga pakigbugno sa kabomberohan.
Kahinumduman nga mi-ulbo ang nahisgutan nga sunog alas 3:00 kagahapon sa kaadlawon ug naugdaw niini ang baynte ka mga kabalayan, ug tulo ka mga balay patigayon.
Sa kwentada sa Bureau of Fire Protection mokabat ngadto sa tulo ka mga balay pamatigayon ang totally damage, samtang upat ang partially damage, samtang baynte ka mga balay ug mga ukay-ukayan ang ugdaw sa sunog.
Nasayran kang fire inspector Christian Sena, Station Commander sa Central Fire Station nga ang nagtapun-og nga highly combustible materials sama sa plastic, goma, panapton ug tela ang mas nakapadako sa sunog.
Migula sa imbestigasyon sa kabomberohan nga misugod ang sunog sa pinoy-anan ni Mark Anthony Mercedo.
Wala pa matino sa mga imbestigador ang tinubdan sa kalayo, apan dunay hugon-hugon ang mga residente nga usa sa ilang silingan ang nagloto bisan ug hubog.
