Giplano sa pipila ka mga transport group nga mangayo og ₱1.00 nga provisional fare increase tungod sa padayon nga pagsaka sa presyo sa mga produktong petrolyo.
Sumala ni Pasang Masda President Obet Martin, ilahang iduso sa umaabot nga mga adlaw ang petisyon ngadto sa Land Transportation Franchising and Regulatory Board (LTFRB).
Matod niini, susama kini sa ilahang gisang-at nga petisyon niadtong Hunyo, nga nagbase usab sa senimana nga pagsaka sa presyo sa lana.
Kahinumduman nga ilahang gibawi ang petisyon niadtong Hunyo human magkasinabot og ceasefire ang Israel ug Iran, nga miresulta sa temporaryong pagkalma sa presyo sa lana.
Apan karon nga balik na usab ang pagsaka, gikanayon sa transport groups nga panahon na aron paminawon ang ilahang panawagan alang sa gamay nga pagsaka sa pletehan.
