DAVAO CITY – Gitunol ni Davao City Mayor Inday Sara Duterte Carpio ang P1.985 million nga kantidad sa livelihood projects ngadto sa 14 ka mga kanhi rebelde sa Paquibato District, ning dakbayan atol sa unang anibersaryo sa selebrasyon sa Davao City Peace 911 sa milabay nga adlaw.
Kabahin sumala pa kini sa pagpaningkamot sa local government aron nga maawhag ang mga rebelde ug ang ilang supporters nga motahan sa otoridad.
Gawas sa pagpaningkamot sa LGUs, nagmugna sab ang national government ug Enhanced Comprehensive and Local Integration Program (E-Clip), nga mohatag ug panginabuhian ingon man financial assistance sa mga surrenderers.
Sa iyang mensahe, gikanayon ni Mayor Inday nga gipalapdan karon ang Peace 911 ngadto sa 18 pa ka mga barangay sa dakbayan nga apektado sa mga komunista ug kagubot human nga nahimong malampuson ang nahisgutan nga inisyatibo.
Kahinumduman nga ang Paquibato, giilang a conflict-affected area sulod na sa pipila ka mga katuigan gumikan sa presensiya sa mga rebelde.
Apan gideklara na kini nga conflict free human nga nagmalampuson ang peace program nga gipatuman sa dakbayan uban ang lig-on nga suporta sa security sector.
