Gipangayo-an ug pagpasabot ni Bayan Muna Chairman Neri Colmenares ang buhatan ni Vice President Sara Duterte sa P20 milyong travel expenses sulod lamang sa tulo kabulan.
Matod pa ni Colmenares, adunay P59.5 milyong pondo ang Office of the Vice President (OVP) alang sa byahe, apan nahurot dayon ang P20 milyon niini sulod lamang sa tulo kabulan.
Gikwestyon usab sa magbabalaod ang pagamit sa confidential fund sa buhatan ni Duterte.
Subay kuno sa nakuhang inpormasyon sa Bayan Muna, gigasto ni VP Duterte ang P125 milyon sa iyahang confidential fund gikan sa Pebrero 6 hangtod sa Marso 29, 2023 o sulod lamang sa 50 ka adlaw.
Samtang gikan sa Abril 25 hangtod Hunyo 30, 2023 o mosobra sa duha kabulan, migasto na usab kini ug P125 milyon.
Gawas pa niini, gikanayon ni Colmenares nga wala pa napasabot ni Duterte and P125 milyong confidential fund nga gigasto ni VP Duterte sulod lamang sa onse ka adlaw niadtong tuig 2022.
