DAVAO CITY – Gilusad sa Philippine Drug Enforcement Agency (PDEA) Regional Office XI sa pakig-alayon sa lokal nga kagamhanan sa dakbayan sa Dabaw, City Anti-Drug Abuse Council ug uban pang mga government agencies ug private sectors ang simultaneous nationwide advocacy program sa Drug Free Work Place Policy Program nga gitawag ug “OPLAN KALASAG” kagahapong adlawa.
Tumong sumala pa niini nga ma-promotar ug mapatuman ang usaka national drug abuse prevention program sa mga workplace.
Ang OPLAN KALASAG ang usaka special project ni Philippine Drug Enforcement Agency Director General, Aaron N. Aquino.
Ang nahisgutang programa ang naningkamot aron mahimong kabahin sa management sa mga workplace pinaagi sa pagpatuman sa ilang kaugalingon nga drug-free workplace program, i-edukar ang mga empleyado sa dautang epekto sa druga ug pagpatuman ug random drug test sa tanang mga opisyal ug mga empleyado.
Tumong usab niini nga ma-edukar ang mga nanag-iya ug hotels, bars, restaurants, condominiums, subdivisions, pag-ila sa mga potential drug laboratories, drug dens ug drug warehouses.
