DAVAO CITY – Gisugdan na sa Philippine Drugs Enforcement Agency XI (PDEA XI) ang Oplan Kalasag aron nga i-promotar ang drug-free workplace sa siyudad.
Sumala pa kang PDEA XI regional director Antonio Rivera, magpahigayon sila ug mga seminars aron nga hisgutan ang mga polisiya ug sumbanan sa mga partisipante aron nga makatabang ang mga nahisgutan sa anti-illegal drug program sa gobyerno.
Laraw sab sa Oplan Kalasag nga malambigit ang mga nanag-iya ug negosyo sa dakbayan sa pagpatuman ug kaugalingon nila nga drug-free workplace programs, educate employees sa mga epekto sa illegal nga droga ingon man pagpatuman ug random drug test sa tanan nila nga mga officers ug staff.
Kahinumduman nga ilalom sa bag-ong polisiya, dili i-renew sa Business Bureau ang permit sa usa ka establisyemento nga adunay 10 o mas daghanan pa nga empleyado hangtud nga wala kini gideklara sa PDEA nga drug free.
