DAVAO CITY – Pangunahan sa mga sakop sa kasundalohan dinhi sa dakbayan ang ipahigayon nga simulation exercise (SIMEX) ang “Oplan Jellyfish,” sa Davao Gulf arun nga sulayan ang kapasidad niini sa land, air ug maritime units batok sa terorista.
Sumala pa kang Col. Darren Comia, Task Force Davao commander, nga himuon ang terror attack simulation sa gulf area arun nga subayon kung paunsa magkahiusa ang mga security forces sa pagsubay sa sitwasyon arun nga ma-protektahan ang siyudad batok sa mga dautang elemento.
Sa kasamtangan, wala pa gisapinal ang detalye sa SIMEX, apan posibleng himuon kini sa musunod nga semana.
Gitataw sab ni Comia nga dungan sa ipahigayon nga Simex, naglaum ang security cluster sa siyudad nga masolusyonan ang vulnerability sa Davao Gulf.
Atol sa maong aktibidad, i-deploy ang pipila ka mga air ug maritime assets sa pipila ka mga lugar.
Nagkadaiyang security agencies sab ang mopartisipar sa maong exercise arun lamang mapatuman ang seguridad sa gulf ug matubag ang terror attack pinaagi sa pagbabag sa mga exit ug entry points.
Salmutan ang SIMEX sa mga sakop sa kapulisan, coast guard, navy ug militar.
