DAVAO CITY – Subli nga nagpahinumdom ang ahensiya sa Commission on election (Comelec) sa mga kandidato ug supporters niini nga ibutang sa common poster area ang ilang mga campaign materials/paraphernalia sama sa mga tarpaulin kini human nga ubay-ubay sa susama nga mga materyales ang ilang nahipus dungan sa ilang gipahigayon nga Oplan Baklas sa pipila ka mga lugar sa dakbayan.
Sumala pa kang Atty. Gay Enumerables, Asst. Regional Director ug tigpamaba sa Comelec-11, luyo sa ilang kanunay nga pahimangno aduna pa gihapoy mga campaign materials nga ilang nahipus nga anaa nahimutang sa mga pampublikong lugar ug sa mga poste sa kuryente sa siyudad.
Kahinumduman nga napuno ang truck sa Department of Public Works and Highways (DPWH) ug mga gipangbaklas nga mga tarpaulin sa kandidato gumikan kay nakasupak kini sa polisiya sa comelec.
Gawas sa DPWH, kaabag sab sa Comelec ang mga personahe sa DCPO arun nga hapsay nga mapahigayon ang Oplan Baklas.
Atol sa panahon sa eleksiyon, hugtanon nga gidili ang pagbutang ug mga campaign materials sa mga punoan sa kahoy, pampublikong lugar sama sa parke, mga pampublikong tulonghaan ug daghanan pa.
