DAVAO CITY – Misaad ang opisyal sa lungsod sa Sto. Tomas Davao del Norte nga limpiyo, matinud-anon ug transparent ang iyang administrasyon.
Sa iyang una nga bulan sa serbisyo, gibutyag ni Mayor Ernesto Evangelista nga nagmugna sumala pa siya ug action committee aron nga i-review ang report sa Commission on Audit kalabot sa local government unit.
Tumong sumala pa sa komitiba nga maresolba gilayon ang isyu ug uban pang kuwestiyonable nga transaksiyon.
Laraw sab sa action committee nga malikayan ang dili maayo nga paggamit ug pag-abuso sa public funds atol sa iyang termino.
Ang maong komite pangunahan sa nagkadaiyang department heads nga direktang mohatag ug report ngadto sa Mayor.
Samtang una na sab nga gi-awhag sa opisyal ang publiko nga makighiusa sa 16th Araw ng Sto. Tomas diin daghanang aktibidad ang ilang gi-andam hangtud sa Agosto 15.
