DAVAO CITY – Temporaryo una nga undangon ang operasyon sugod karong adlawa sa giilang nag-una nga bagsakan o trading center sa mga binuhing hayop sa Davao del Sur nga sagad maoy mo-supply og karne sa mga native pigs ngadto sa mga siyudad sa Davao ug General Santos kini tungod sa epekto sa African Swine Fever (ASF).
Una ng nakigkita si Mayor Jose Jimmy Sagarino sa 60 ka mga livestock dealers sa Sulop Auction Center nga paingon sa Davao Occidental aron nga personal nga ipahibalo sa mga nahisgutan ang nahimong desisyon sa lokal nga panggamhanan nga kinahanglan temporaryo nga i-shut down ang pasilidad.
Gikanayong ang bagsakan center pasirad-an sulod sa 30 ka adlaw o hangtud nga adunay ipagula nga kamandoan ang lokal nga panggamhanan.
Ang nahisgutan nga lakang tipik lamang isip suporta sa pagpaningkamut aron nga mapugngan ang pagkatag sa ASF ug uban pang bahin sa Mindanao.
Una ng nagsugod ang ASF outbreak sa Don Marcelino, Davao Occidental diin liboan ka mga baboy karon ang gipamatay.
