DAVAO CITY – Giilang dakong tabang sa Police Regional Office (PRO)-Davao ang gi-turn over nga mga bag-ong ekipo ug tactical gears ngadto sa mga nagkadaiyang police units sa rehiyon aron nga mapalig-on pa nila ang ilang operasyon.
Gikanayong pinaagi sa mga bag-ong kagamitan, mapalig-on pa sa kapulisan ang ilang operational capability sa police force.
Una ng gipahigayon ang pag turn over sa PRO-Davao Grandstand Camp Sergeant Quintin M. Merecido, Buhangin kagahapong adlawa.
Kalakip sa mga bag-ong ekipo ang duruha ka unit sa rotary blade/ propelled wing, unmanned aerial vehicle; one unit sa Hino truck, 18 units sa XRM Honda motorcycle; 644 units sa enhanced combat helmet (Level 3); 195 units sa undershirt vest; 168 units sa tactical vest (Level 3-A) ug duruha ka upgraded plates (Level 4); ug five units sa 5.56 Negev LMG Squad Automatic Weapon (SAW) ug daghanan pa.
Gikan sumala pa kini sa Philippine National Police (PNP) headquarters diin pipila sa mga makabenepisyo niini ang mga nagkadaiyang police units nga gilangkuban sa City Police Office (DCPO), Davao del Norte Police Provincial Office (DNPPO), Davao Oriental PPO, Compostela Valley PPO, Davao del Sur PPO, ug Davao Occidental PPO.
Gitambagan na lamang ni PRO-Davao Director Police Brigadier General Filmore Escobal ang matag unit nga atimanon pag-ayo ang nahisgutan nga ekipo.
Nagpasalamat sab ang nahisgutan kang Pangulong Rodrigo Duterte sa paghatag og bag-ong mga ekipo.
