DAVAO CITY – Gipanubayan na karon sa kapulisan sa Matanao Davao del Sur ang ilang nahipus nga impormasyon nga nagsugod na sab sa ilang operasyon ang Kabus Padatoon (Kapa) Community Ministry International Inc., o gitawag na karon nga Kapa Worldwide Association.
Pipila sa mga residente sa nahisgutan nga dapit ang mikumpirma nga nagpadayon na sab ang operasyon sa milabay nga semana.
Apan dihang nagpahigayon sumala pa ug imbestigasyon ang otoridad, kalit sumala pa nga nanirado ang buhatan sa Kapa hinungdan nga mibati karon ug kabalaka ang naka-pay-in bag-ohay lamang.
Kahinumduman nga kini ang rason nga gilusad sa National Bureau of Investigation (NBI) ang pagsikop sa Board member nga si Arvin “Jun Blanco” Malaza, mga staff, ug mga kawani sa Muews Radio Digos nga gikanayong subli nga nagpay-in sa Kapa.
Gumikan sa mga nahipus nga ebidensiya, gipasakahan ang nahisgutan ug kasong syndicated large-scale estafa.
