DAVAO CITY – Gibutyag ni Jenilito Dodong Atillo, tigpamaba sa Department of Education (DepED) 11 nga andam sumala pa ang ahensiya sa posibillidad nga magpahigayon ug Online enrollment procedure sa higayon nga dili pa matapos ang pagkuyanap sa Covid-19 ingon man Online Class nga magsugod sa Abril ngadto na sa Hulyo ning kasamtangan nga tuig.
Sumala pa kang Atillo nga mapasalamaton ang ahensiya gumikan kay gihatagan ug kamahinungdanon sa Mayor ang edukasyon sa mga estudyante hinungdan nga naningkamut sab sila nga makahimo ug mga pamaagi.
Samtang gitambagan sab ni Atillo ang mga tulonghaan nga basehan na lamang ang final grade sa mga estudyante sa first, second ug third exam niini kung wala nakapahigayon ang tulonghaan ug fourth o final exam.
Hinuon mas labing maayo kung natapos ug sayo sa mga tulonghaan ang tanan nila nga mga eksaminasyon.
