DAVAO CITY – Gipasalig sa Police Regional Office (PRO) nga hugtanon nila nga ipatuman ang one-strike policy batok sa illegal nga sugal.
Gitambagan sab ang mga Police commanders nga mapakyas sa pagpahunong sa illegal nga aktibidad nga ma-relieve kini sa ilang posisyon.
Sumala pa kang Brig. Gen. Marcelo Morales, police regional director, istrikto nila nga ipatuman ang maong kamandoan sa tanan nga mga police units ilalom sa iyang pagdumala.
Gikanayong ang war against illegal gambling pinasikad sa Executive Order (EO) ni Pangulong Rodrigo Duterte nga nagmando sa tanan nga mga kapulisan ug law enforcement agencies nga pahugtan ang ilang kampanya batok illegal nga mga aktibidad.
Nagbahad si Morales nga dili siya magpanuko nga papahawaon ang mga station commander nga dili motamud sa kamandoan.
Pasakahan sab ug administrative case ang mga badlungon nga police commanders ug directors.
