DAVAO CITY – Laoman sumala pa nga ablihan na sulod na karong tuiga ang Lingap Para Sa Mahirap Center ug Malasakit Center building, usa ka one-stop shop alang sa government medical assistance aron nga motabang sa mga kabus nga Dabawenyos.
Sumala pa kang Lingap Para Sa Mahirap Center and Malasakit Center in-charge Josephine Matiran ang nahisgutan nga mga center ang ibalhin gikan sa atubangan sa Southern Philippines Medical Center (SPMC) paingon sa compound mismo sa Hospital.
Gitataw ni Matiran nga ang four-storey building adunay land size nga 300 square meters ug mamahimong maka-akomodar ug 150 pasyente sa matag floor.
Ang nahisgutan sumala pa nga gambalay ang nagkantidad ug P25 million ug gipundohan sa Office of the President.
Pipila sa mga buhatan nga kalakip niini ang gilangkuban sa Philhealth, Philippine Charity Sweepstakes Office, Department of Social Welfare and Development ug Botika ng Bayan.
Nasayran nga one-stop shop center usa sa mga priority projects ni Davao City Mayor Inday Sara Duterte ilalom sa iyang termino.
