DAVAO CITY- Miabot na dinhi sa dakbayan sa Davao ang two-time Olympic medalist nga si Nesthy Petecio kagahapon sa buntag.
Maininiton usab kining gisugat sa mga katawhan pinaagi sa iyahang gihimong pag-motorcade gikan sa Davao Airport hangtod na sa city hall ning dakbayan sa Davao nga kung diin mainiton usab kining gisugat sa mga empleyado ug nagpakuha pa kini ug hulagway sa Olympian.
Human sa gipahigayon nga pagbisita sa city hall mipadulong sab gilayon ang Paris Olympics Bronze medalist sa usa ka hotel sa Bajada ning syudad kung diin naniudto kini uban ang iyahang pamilya.
Nasayran nga unang gibisita ang dakbayan sa Davao gumikan sa pagkonsidera niini ga dinhi nagsugod ang iyang karera sa boxing niadtong onse anyos pa lamang siya samtang dinhi usab siya gipanganak.
Ugmang adlawa gikatakda nga magmotorcade si Nesthy gikan sa Sta.Cruz padulong sa Digos City Davao Del Sur.
