Sa talagsaon nga higayon, migahin ug panahon si Pangulong Ferdinand ‘Bongbong’ Marcos Jr. sa Philippine sports.
Gihisgutan sa Pangulo ang pagsalmot sa 22 ka mga national athletes sa 2024 Paris Olympic Games ug unom ka mga pangbato sa Paralympics sa ikatulo niining State of the Nation Address (SONA) kagahapon.
Gumikan niini, gipasalamatan ni Philippine Olympic Committee (POC) president Abraham “Bambol” Tolentino ang Presidente sa paghatag ug importansya sa mga atleta.
Kung kahinumduman, ang weightlifter nga si Hidilyn Diaz ang nakakuha sa unang Olympic Gold medal sa nasud sa 2020 Tokyo Games.
Gisundan usab kini ni Tokyo Olympics silver medalists Nesthy Petecio ug Carlo Paalam ug bronze medalist Eumir Marcial sa boxing, pole vaulter EJ Obiena ug gymnast Caloy Yulo ang kampanya sa Pinas sa 2024 Paris Olympics.
Ang uban pang partisepante sa Paris Olympics mao ang mga boksidor nga sila si Hergie Bacyadan ug Aira Villegas, gymnasts Levi Ruvivar, Aleah Finnegan ug Emma Malabuyo, weightlifters Elreen Ando, Vanessa Sarno ug John Ceniza, swimmers Jarod Hatch ug Kayla Sanchez, golfers Bianca Pagdanganan ug Dottie Ardina, fencer Sam Catantan, Lauren Hoffman ug John Cabang-Tolentino sa athletics, Kiyomi Watanabe sa judo ug rower Joanie Delgaco.
Samtang gihisgutan usab ni Pangulong Marcos jr ang pagpatuman sa grassroots sports program sa administrasyon niini.
