DAVAO CITY – Personal nga mibisita sa sibyahanan sa Bombo radyo Davao si Alyas Miles usa ka OFW aron subling hatagan og katin-awan ang ugat hinungdan sa iyang reklamo batok kang Mandug Brgy. Kagawad Elmer Ototan nga gikanayong gihimas ug gihalokan sumala pa siya niini.
Sumala pa kang Alyas Miles, naaghat siya pagbalik dinhi sa Pilipinas gikan sa London kini aron ipadayon ang reklamo batok kang kagawad Elmer Ototan.
Nakadesisyon sab siya nga moreklamo human nga sukad nahitabo ang maong insidente, giinitan na sab ang iyang manghud sa opisyal nga maoy hinungdan nga nahitabo sab ang gikanayong pag-embargo og susi ug tricycle sa iyang igsuon.
Nakahimo sab sumala pa siya pagreklamo direkta ngadto sa hingtungdan ahensiya sa kagamhanan partikular na sa Department of Interior and Local Government (DILG) kini tungod kawang lamang matud pa kung moduso siya og reklamo sa Barangay Hall gumikan kay ang igsuon sumala pa sa kagawad ang kapitan mismo sa maong lugar.
Una na matud pa niya nga gimandoan ang iyang igsuon nga moduso og reklamo samtang anaa siya sa London apan wala kini nahinayon sanglit kinahanglan mismo nga anaa iyang presensiya hinungdan nga usa kini sa mga rason nga miuli siya pagbalik dinhi sa nasod.
