DAVAO CITY – Gipanaad sa Office of the Civil Defense (OCD) XI nga mahimo kining andam kung ugaling adunay mahitabong kusog nga pagtay-og sa yuta diri sa Davao Region.
Ang maong pahayag ang gumikan usab sa nahitabong magnitude 7 nga linog kagahapon sa buntag sa Cordillera Administrative Region (CAR).
Gikanayon sa Information Officer sa OCD-XI nga si Angie dela Cruz nga andam ang dakbayan sa Davao ug ang mga residente niini sa susamang panghitabo ilabi na nga padayon usab ang ginapahigayong earthquake drill ug pagpahibalo mahitungod sa disaster resilience.
Ning kasamtangan, nangandam na sab ang OCD-XI alang sa 3rd quarter National Simultaneous Earthquake Drill nga ipahigayon sa bulan sa Setyembre diin gina-awhag sab ang publiko nga makighiusa alang niini.
