DAVAO CITY – Walay natalang namatay sa nahitabong pagbaha sa Davao Region gumikan sa kusog nga mga pag-uwan sugod kaniadtong Miyerkules sa gabii.
Sa pinakaulahing report sa Office of the Civil Defence 11, mihubas na ang tubig-baha sa 23 gikan sa 25 ka mga lugar nga gilunop sa baha.
Samtang apektado sa nasinatiang pagbaha ang anaa sa kapin 14 mil ka mga pamilya o kapin sa 61 libong indibidual, kundiin 451 pamilya o 1,700 indibidual ang kasamtangang anaa sa nagkadaiyang evacuation center.
Gibana-banaang kapin sa P105 million ang damyos sa agrikultura; samtang 5 ka balay ang gikatahung partially damaged ug duha sab ka balay ang hingpit nga naguba.
Sa pikas bahin, naghatag na og P2.6 million nga tabang-pinansyal ang DSWD sa mga apektadong lugar sa Carmen, Davao del Norte.
via || Bombo LJF
