DAVAO CITY – Gipasalig sa Office of the City Building Official (Ocbo) nga tanan nga mga gambalay sa dakbayan ang “structurally safe” ug compliant sa polisiya sa lokal nga panggamhanan kini aron masiguro ang kalig-on niini panahon nga mo-igo ang kusog nga pagtay-og.
Tipik lamang ang pahayag sa OCBO human ang ulahing insidente sa pag-igo sa magnitude 6.3 nga linog diin sentro ang area sa Tulunan sa Cotabato.
Sumala pa kang Ocbo head Cirinia Grace Catubig nga base sa gipagulang report sa City Disaster Risk Reduction and Management Office (CDRRMO), bugtong minor cracks gikan sa mga bongbong sa Mall ang natala.
Una na sab nga nagpahigayon ug inspeksiyon ang personahe sa Ocbo sa tanan nga mga gambalay sa siyudad human ang kusog nga linog.
Kalakip sab sa gisubay kung nagsunod ang mga nahisgutan sa kamandoan ni Mayor Inday Sara Duterte-Carpio nga kinahanglan luwas kini sa katawhan.
Apan ang ,mihatag ug katin-awan ang nahisgutan nga ang ilang gihimo nga monitoring ang limitado lamang sa mga pribadong establisyemento samtang ang City Engineer’s Office (CEO) ang magmonitor sa mga gambalay sa gobyerno ug imprastraktura.
