DAVAO CITY- Opisyal na nga giabrihan sa lokal nga panggamhanan, pinaagi sa Nutrition Division sa City Health Office ang Nutrition Month celebration sa dakbayan pinaagi sa information drive ug pagtanyag og mga aktibidades sa mga nagkadaiyang barangay.
Sumala pa sa hepe sa CHO Nutrition Division nga si Beth Banzon, gikinahanglan matud pa karon ang pag-atiman sa kalawasan hilabi pa sa tumong nga maminusan ang mga kaso sa child stunting ug tanang matang sa malnutrisyon dinhi sa syudad.
Kahinumduman nga sulod sa 50 ka tuig, ginaselebrar ang matag bulan sa hulyo isip nutrition month uban sa paghatag og kamahinungdanon sa saktong nutrisyon.
Karong tuiga, adunay temang “Sa Ppan sama-sama sa nutrisyong sapat para sa tanan!”, kung diin ang Philippine Plan of Action for Nutrition mao ang gambalay nga gipatumang laraw aron matubag ang mga isyu sa nutrisyon nga gustong matubag sa ilang dibisyon, ug sa kinatibuk-ang kagamhanan sa siyudad.
Alayon niini, padayong naga-awhag ang buhatan ngadto sa mga dabawenyo nga pahimuslan ang ilang gitanyag nga nutrition-related programs kon diin libre kining ginatanyag sa CHO.
Samtang s apikas bahin, giawhag usab s aopisyal ang mga mabdos nga magpahimulos sa prenatal check-up uban ang uban pang serbisyo nga nagseguro sa kahimsog ug nutrisyon sa ilang mga anak.
