Gipakita sa preliminaryong classified intel report sa US nga napakyas ang pagbomba sa Iran sa pagbungkag sa nuclear capability niini.
Sumala sa Defense Intelligence Agency, nababagan lamang ang entrada sa duha ka nuclear facilities, apan wala mabungkag ang mga underground structures.
Pipila ka centrifuges nagpabiling buo, base sa usa ka source nga pamilyar sa report.
Giila sa White House Secretary Karline Leavitt ang authenticity sa report, apan miingon nga posibleng sayop kini ug classified isip “top secret”, apan nileak gihapon.
Giakusahan niya nga tuyo ang leakage aron pasipalahon si Trump ug ipakita nga walay epekto ang operasyon.
Miinsistir siya nga “total obliteration” ang epekto sa pagbuto sa 14 ka 30,000-pound bombs sa target sites.
Sa Hunyo 24, mitug-an ang Iran nga nagpatuman sila og lakang aron magpadayon ang ilang nuclear program.
Usa ka adviser sa Iran Supreme Leader ang miingon nga aduna pa silay stock sa enriched uranium ug nagkanayon nga “the game is not over.”
