Nagpadayag og suporta ang National Task Force to End Local Communist Armed Conflict (NTF-ELCAC) ngadto sa mga Indigenous People (IPs) sa Talaingod, Davao Del Norte, labot sa pagduso niini og ‘ethics complaint’ batok kang Rep. France Castro, nga convicted sa kasong Child abuse.
Sumala pa sa NTF-ELCAC nga ang gipakita sumala pa sa mga IP’s nga mao sila Datu Allan Causing, Andigao Agay, ug si Gusting Dalyak Dausay, maoy usa ka pagkamaisugon, diin nagarepresenta sumala pa kini sa Ata-Manobo Tribal Council of Elders.
Nagatuo sab ang task force, isip nagaalagad sa nasud, labi na nga miyembro pa kini sa Kamara, diin kinahanglan sumala pa unta kini nga maminaw sa mga mulo sa katawhan, hilabi na kung hustisya ang ilahang ginapangayu ug papanubagon ang mga adunay sala nga binuhatan.
Ang nahimong reklamo sa IP’s, diin alang sa NTF-ELCAC maoy usa matud pa ka tuyo ug tumong aron nga papanubagon si Castro ug ang 13 pa ka mga kaubanan niini sa kasong child abuse, ngadto sa 14 ka mga menor de edad nga mga lumad nga magtutungha niadtong Nobyembre 28, 2018.
Sumala pa sa mga Lumad leaders, nga ang nahimong aksyong sumala pa nila Castro kaniadto, maoy naghata matud pa sa ilaha og kahasul, gumikan nasupak niini ang ilahang katungod, hilbai na ang mahimong pantay sa gimando sa Code of Conduct and Ethical Standards for Public Officials and Employees.
Sumala sab sa task force, nga tataw sumala pang nakasupak si Castro sa iyahang gisumpaang mandato nga magsilbi kini sa publiko nga adunay pagkamatinuorun ug katubagan.
Buot sab sa mga Lumad nga suspendihon na gilayon si Castro aron nga mapabilin sumala pa ang integridad sa Kongreso samtang ginaimbestigahan ang ilahang reklamo batok sa maong magbabalaod.
Una nang gibutyag sab ni Castro nga usa matud pa ka political harrassment ang nahimong lakang sa mga IPs.
