-- ADVERTISEMENT --
Gikalipay sa National Security Council (NSC) ang resolusyon sa US Senate nga mikondena sa agresyon sa China sa West Philippine Sea (WPS) ug subling nagpalig-on sa Mutual Defense Treaty (MDT) sa Pilipinas ug Estados Unidos.
Gipahayag ni NSC Sec. Eduardo Año, klaro ang mensahe sa resolusyon nga wala nag-inusara ang Pilipinas ug andam mutabang ang Estados Unidos batok sa iligal nga lihok sa China.
Nanawagan ang resolusyon ug mas halapad nga joint patrols, training, cyber cooperation ug suporta sa modernisasyon sa depensa sa Pilipinas.
Dugang pa sa NSC, magpabiling defensive ang Pilipinas ug ipaglaban niini ang katungod subay sa UNCLOS 2016 Arbitral Award ug mga mipatigbabaw nga balaod.
-- ADVERTISEMENT --
