DAVAO CITY – Pagpatuman ug maayong programa sa kagamhanan alang sa mga rebel returnees ang hinungdan sa pagtahan sa usa ka taas nga opisyal sa rebeldeng New People’s Army (NPA) nga naglihok sa Malabog Paquibato district ning dakbayan.
Sumala sa wala hinganli nga lider nga nagsilbing Assistant Sec. Underground Mass organization sa NPA, namatikdan niini nga sensiro ang gobyerno sa pagtabang sa mga rebelde nga mibalik sa sabakan sa kagamhanan hinungdan nga nakadesisyon na lamang siya nga motahan dala ang siyam ka mga Improvised Explosive Device (IEDs).
Misulod sa kalihokan ang nahisgutan kaniadtong tuig 2015 ayha misurender sa 16th infantry Battalion sa Philippine Army.
Samtang gibutyag ni Col. Nolasco Mempin commander sa 1003rd Infantry Division (ID), sigurado sumala pa nga aduna pay pipila ka mga indibidwal sa Paquibato nga sakop sa rebelde ang nahupot ug mga war materials sama sa IED hinungdan nga hugtanon kini nga gimonitor sa kasundalohan.
