DAVAO CITY – Hingpit na nga gideklara sa Toril area ning dakbayan sa Davao ang Persona non grata batok sa mga rebeldeng New Peoples Army (NPA).
Kahinumduman nga ubay-ubay na nga mga underground mass supporters, militia ng bayan ug uban pang grupo sa mga rebelde ang nagpahigayon ug peace rally sa Toril aron nga ipasibaw nga dili na nila buot nga maglihok pa sa ilang lugar ang mga rebeldeng grupo.
Pipila sa mga nahisgutan ang nagpadayag nga biktima lamang sila sa pagpanglingla sa mga komunistang grupo ug wala sumala pa gituman sa mga nahisgutan ang ilang mga saad nga hatagan sila ug maayong kaugmaon.
Una na sab nga gibutyag ni Col. Nolasco Mempin, commander sa Task Force Davao, nga ang gihimong mga lakang karon sa kasundalohan aron nga mobalik ang mga rebelde sa sabakan sa kagamhanan tipik lamang sa panawagan ni Mayor Inday Sara Duterte nga himuong insurgency free ang siyudad
