North Korea, gipadali ang pagmugna ug nuclear weapons

Wala gipanghimakak sa North Korea nga ilahang gipadali ang pagmugna ug mga nuclear weapons.

Gipahayag ni North Korea ambassador to United Nations Kim Song, ang nahisgutang lakang mao ang pag-atubang sa bisan unsang hulga sa ilaha.

Gihimo niini ang nahisgutang pahayag sa panaghinabi sa UN Security council ug pipila ka adlaw sa dihang mipahigayon ang North Korea og missile test.

Gihimo ang security meeting gumikan sa reklamo sa South Korea ug Japan sa nagpadayong missile test sa North Korea nga gikabalaka usab nila.

Giakusahan usab sa South Korea ang Russia nga mitabang sa North Korea pinaagi sa pagtudlo ug mga teknolohiya sa pagmugna og mga nuclear weapons.