DAVAO CITY – Posible sumala pa nga ipatuman sa lokal nga panggamhanan ang “no cleanup, no Lingap” policy isip usa sa mga dalan aron nga makunhuran ang kaso sa dengue dinhi sa siyudad.
Sumala pa kang Konsehal Joselle Villafuerte, committee on health chair, kinahanglan nila ug bag-ong estratehiya kini aron nga malikayan ang mga mosquito-borne diseases ingon man ang mga posibleng outbreak.
Gikanayong ang pagpanglimpiyo sa palibot sa mga residente ang himuon nga rekisitos alang sa Lingap medical assistance.
Una ng nasayran kang Villafuerte, nga adunay walo ka mga namatay nga adunay kalabotan sa dengue karon lamang tuiga.
Subay sa data sa City Health Office, nga sukad Enero hangtud Hulyo ning kasamtangan nga tuig, ang Barangay 76-A ug Buhangin ang adunay pinakataas nga ihap sa dengue nga anaa sa tig-176 matag lugar. Gisundan kini sa Barangay Talomo uban 171 ka kaso.
Ang uban nga mga barangay nga adunay taas nga kaso ang gilangkuban sa Matina Crossing (147), Barangay 19-B (128), Barangay Ma-a (115), ug Barangay Daliao (101).
Una ng gitigom sa lokal nga panggamhanan ang mga nagkadaiyang barangay heads aron nga masolusyonan ang nagkataas nga ihap sa dengue dinhi sa siyudad luyo sa nahimong pagpaningkamut sa siyudad aron nga batukan ang nahisgutan nga balatian.
