DAVAO CITY – Gibutyag sa head sa City Disaster Risk Reduction and Management Office (CDDRMO) nga kinahanglan ilaha ng irekomenda sa lokal nga panggamhanan ang pagpatuman sa “No build Zone” ang coastal areas kini human nga matag tuig na lamang sila nga makatala ug mga balay nga mabungkag panahon nga masinatian ang habagat ug kusog nga pagbalod.
Una ng gibutyag ni CDRRMO head Alfredo Baluran nga tungod sa dagkong mga balod nga nasinatian sa dakbayan bag-ohay pa lamang, anaa na sa usa ka balay ang nabungkag sa Brgy. Sentro Agdao samtang tulo sa Brgy. 23-C.
Laraw sa ahensiya nga ibalhin na ug laing lugar ang mga residente nga nanimuyo sa nahisgutan nga dapit aron nga masiguro ang ilang kaluwasan ug dili mabutang sa peligro ang ilang kinabuhi.
Gitataw sab sa opisyal nga dili gayud kalikayan nga adunay balay nga maapektohan tungod sa maong kalamidad sanglit matag tuig gayud kini nga masinatian sa nasod.
