Adunay pipila sumala pa ka libo nga mga ebidensiya ang ipresenta sa mga piskal sa ICC atol sa pagdungog batok sa kaso ni kanhing Pang. Duterte
Gikatakdan nga ipresenta sa mga piskal ang mga ebidensiya sa kaso nga crimes against humanity batok sa kanhi Pangulo.
Sumala ni ICC prosecutor Karim Khan, kini ang naglangkob sa pipila ka libo ka mga pahina sa ebidensiya ug halos 16 ka oras nga mga recordings nga ilahang ipagawas sa pagdungog sa International Criminal Court.
Sa ilahang pag-imbestiga, nakatigom sila og daghang documentary materials nga gikinahanglan pa og legal nga pagtuon sa dili pa kini ipagawas.
Padayon pa gihapon nilang gitan-aw ang tibuok ihap sa mga sinulat ug dili sinulat nga dokumentaryong ebidensiya nga ilahang ipresenta sa confirmation hearing.
Kahinumduman nga gi-aresto ang kanhing pangulo niadtong Marso 11 pagkahuman sa iyahang byhahe gikan sa Hong Kong ug gidala sa International Criminal Court (ICC) tungod sa maduguon nga kampanya batok sa iligal nga droga.
