Gidawat na ni Nicholas Kaufman ang papel isip abogado ni kanhi Pangulong Rodrigo Duterte sa kaso batok kaniya sa International Criminal Court (ICC).
Gipirmahan niini ang Undertaking of Counsel, nga nagsaad nga iyang ipatuman ang iyang katungdanan nga adunay integridad, kasaligan, ug pagtahod sa balaod.
Gipahayag usab sa maong dokumento nga iyang sundon ang mga sumbanan sa Code of Professional Conduct for Counsel, lakip na ang pagtuman sa professional secrecy ug uban pang responsibilidad.
Sa Marso 14, 2025, opisyal kining gitakda ni Duterte sa maong posisyon sa dihang nag-atubang ang kanhi pangulo sa Pre-Trial Chamber sa ICC.
Sa unang pagtudlo ni Duterte kang Kaufman, nangayo kini og postponement sa hearing aron makapangonsulta sa iyang abogado, apan kini wala gitugotan sa ICC.
Bisan pa niini, nagpadayon ang pagdungog diin ang kanhi Executive Secretary nga si Atty. Salvador Medialdea misilbi nga temporaryong abogado sa kanhi pangulo hangtod sa opisyal nga pagpirma ni Kaufman sa Acceptance of Appointment sa The Hague Netherlands.
