Davao City – Mihatag ug cash assistance ang National Housing Authority (NHA) ngadto sa pamilya sa mga nasunogan sa Barangay 8-A, ning dakbayan.
Nasayran nga mokabat ngadto sa P110 mil ka pesos ang gipang-apod-apod ngadto sa mga home owners nga totally damage ang ilang mga balay.
Naatol kini sa pagduaw ni Senador Bong Go sa Barangay 8-A diin personal sab kini nga mitunol ug mga food packs ingon man mga personahe sa DSWD.
Samtang sa Barangay 21-C nanghatag sab ug hinabang si Senador Go sa mga pamilya nga nangabiktima sa paghapak sa dagku nga mga balud.
Nanghatag sab si Go ug Cellphone sa mga buntis, ug mga sapatos sa mga pinili nga mga lalaki ug misaad nga mohatag ug bag-ong uniporme sa mga estudyante.
Subling gipahibalo ni Senador Go ang mga proyekto ug programa sa kagamhanan sama sa Malasakit Center ug Pabalay.
Padayon ang validation sa Barangay alang sa mga bout makapahimulos sa relocation site nga gitukod sa kagamhanan.
