DAVAO CITY – Arun nga mahatagan ug barato ingon man desente nga pabalay alang sa mga Filipino, gi-awhag sa National Housing Authority sa Davao Region (NHA-11) ang publiko nga mutabang nga pagpasaka sa demand alang sa low-cost real estate developments.
Sumala pa kang NHA-11 district manager Alper John Alcaraz nga kung taas ang demand, adunay rason nga mas daghanan ang pabalay ilabi na sa mga Filipino government employees kalakip na sa mga uniformed personnel.
Sa kasamtangan, padayon sila nga nagadawat ug mga aplikante alang sa housing projects nga nakabase sa rehiyon nga nag-abli kaniadtong Oktubre 2021.
Nagatanyag ang NHA-11 ug well-built units sa ubos lamang nga presyo nga katunga sa mga balay nga ginabaligya sa mga pribadong kompanya.
Gitataw sab sa nahisgutan nga ang Madayaw Residences, usa ka mid-rise condominium type building nga adunay 640 units sa Barangay Talomo ang ginabaligya sa kantidad nga PHP1.7 million per unit sa 60 square meters.
Nasayran nga ang housing backlog, ang hinungdan sa nagkataas nga populasyon nga maoy hinungdan sa imbalance sa resources alang sa housing.
Gitataw sab ni Sonia Bulseco, NHA-11 District Manager sa Davao Oriental ug Davao de Oro offices, ang presyo mamahimong musaka sa PHP4 million per studio unit sa high-rise condominium buildings nga mas gamay kung itandi sa ilang ginatanyag.
Sa kasamtangan, adunay 300 ka mga available units sa ilang proyekto dinhi sa dakbayan. Sa mga interesado nga mukuha ug propedad bugtong himuon lamang mao ang pagkuha sa mga gikinahanglan nga mga rekisitos nga gipangayo sa NHA-11.
Gikanayong ang uban nga mga NHA housing units ang nahimutang sa Barangay Cogon, Babak District sa Samal; Barangay Balabag, Digos City; Barangay Quezon, Panabo City; Barangay Biao Escuela, Tugbok District in Davao City; ug Barangay Dahican, Mati City.
