DAVAO CITY- Gibisita ni Newly-appointed Mindanao Development Authority Chairperson Leo Tereso Magno ang MinDA Office kagahapon sa hapon, Mayo 23 ning tuig kasamtangan. Bitbit ni Magno ang gikinahanglang dokumento alang sa iyahang appointment isip MinDA Chairperson ug iyaha kining gipasa ngadto sa Human Resources Department of MinDA.
Matud pa nga pag-abot ni Magno sa maong buhatan, anaa gayud si kanhing MinDA Chair Mabel Acosta sa opisina niini apan wala kini magkita.
Gibarugan usab ni Acosta base sa post niini nga dili gihapon bakante ang posisyon taliwala sa appointment ni Magno.
Una ng gibutyag ni Executive Secretary ug kanhing Chief Justice Lucas Bersamin nga loss of trust and confidence ang hinungdan sa pagtanggal kay Acosta isip chairman sa Minda.
Samtang sa pikas bahin, girespeto ni Magno ang katungod ni Acosta nga mangayo og legal remedy. Sigon pa niini nga wala niya kini gihimong personal og ugali mang gipili sa kanhing tagadumala sa MinDA nga labanan kini sa korte.
Apan bisan pa man niana, gikanayon ni Magno nga tapos na siyang nanumpa sa iyahang pangatungdanan nga pagabuhaton sa kasamtangan posisyon isip mangulo sa Minda.
Dugang pa niini, gibutyag usab ni Secretary Magno nga mangayo pa kini og pagpaklaro sa Office of the President mahitunod sa kasamtangan posisyon niini isip Presidential Assistant for Eastern Mindanao tungod kahibalo kini dili pwede nga duha ka posisyon ang iyahang huptan.
