DAVAO CITY – Nakutloan gilayon sa iyang kinabuhi ang usa ka negosyante human kini gipusil sa wala mailhing suspetsado tumong sa likod sa iyang ulo sulod sa duruha ka higayon nga maoy hinungdan sa iyang hinanaling kamatayon.
Naila ang biktima nga si John Arnel Rentuma Bansale, 47 anyos, minyo, negosyante ug residente sa San Roque Calinan ning siyudad.
Sa imbestigasyon sa kapulisan, nahitabo ang insidente pasado alas otso sa gabii gawas sa Japan Surplus Brgy. Leon Garcia samtang kauban niini ang iyang igsuon ug bayaw.
Una ng narekober sa crime scene ang mga basiyo sa bala, duruha ka pakete sa ginadili nga droga sulod sa short sa biktima.
Sa kasamtangan, gipalawman pa sa Sta. Ana PNP ang ilang imbestigasyon sa nahisgutan nga insidente.
Dali sab nga misibat ang suspek sa wala matino nga direksiyon sakay sa XRM nga motor human ang gihimong krimen.
