DAVAO CITY – Hugtanong gipanghimakak sa kadumalahan sa New City Commercial Center (NCCC) nga wala silay gihimo nga aksiyon aron nga masulbad ang suliran sa air condition sa ilang gambalay.
Kahinumduman nga nag-atubang na ang mga personahe sa Victoria Plaza ingon man mga empleyado ug tenant sa gambalay aron hatagan ug katin-awan ang suliran nga ilang nasinatian.
Kahinumduman nga gipangunahan mismo sa Technical unit sa City Health Office (CHO) ang panag-atbang sa duruha ka bahin kini aron nga mahisgutan ang mga gihimo nga lakang karon sa NCCC sa nahimong reklamo sa mga empleyado ilabi na nga anaa na matud pa sa unom ka bulan nga guba ang aircon sa maong mall.
Una ng gibutyag ni Rodolfo Saturos, representante sa NCCC, nga aduna na matud pay gigahin nga budget ang management aron nga ilisan ang tanan nga aircon sa mall sanglit dili na kini mapahimuslan.
Mihangyo lamang sila ug dugang panahon sa mga tenant ug empleyado ilabi na nga dili dali ang pagpatuman niini.
Samtang sa bahin ni Curtis Lozzaraga, sanitation inspector sa City Health Office (CHO), nga samtang wala pa naayo ang aircon sa mall pipila una sa mga tindahan niini ang kinahanglan nga ihunong ug ablihan lamang kung wala nay problema ang bentilasyon.
