Nihatag og katin-awan ang hepe sa National Bureau of Investigation XI kalabot sa gikanayong mga peke nga birth certificates nga na-release sa Davao del Sur.
Sumala pa ni Atty. Arcelito C. Albao, Chief sa NBI XI nga dili pekeng mga birth certicates ang narelease apan late registered lamang ug ning kasamtangan subject for verification pa ang na-issuehan niini.
Subay sa datos nga buhatan, anaa sa 1200 late registered birth certificates na ang natala gikan tuig 2016 hangtod tuig 2021.
Apan pagpaklaro sa opisyal nga kadaghanan sa maong ihap ang niagi sa legal nga proseso kung diin sagad usab nga gianag-iyahaan sa mga Pinoy.
Gipanghimakak usab ni Albao ang matud pa pagbayad sa usa ka Chinese National og P300,000 aron lamang matagaan og birth certificates gumikan wala pa silay nadawatan nga reklamo ug konkretong ebidensya kalabot niini.
Hinoon, gipasalig ni Albao nga magpadayon ang ilang monitoring aron malikayan ang mga dili maayong plano sa mga nagka-aron-ingnong Pilipino kung galing mapamatud-an ang pagpameke og birth certifcates.
Ning kasamtangan, ginahulat pa sa buhatan ang resulta sa ginapahigayong imbestigasyon, apan nagbahad na kini sa kinsa mang opisyal nga malambigit sa maong katikaran kung mapamatud-an nga mag-atubang kini og daghanang kaso, susama na lamang sa Graft and Corruption, Falsification of Public Documents, ug uban pa.
Kahinumduman nga nadakpan ang usa ka 21 anyos nga Chinese National nga si Hengson Limosnero Jabilles sa Davao Del Sur kaniadtong nakalabyng semana human kini nalambigit sa pagbaton og peke nga birth certificate bisan paman wala kini natawo sa maong lugar.
