Gihatdan sa National Bureau of Investigation (NBI) ug subpoena si Vice President Sara Duterte aron ipasabot ang hulga niini nga ipapatay si Pangulong Ferdinand Marcos Jr. Nadawat sa opisina ni Duterte sa Mandaluyong ang subpoena gikan sa NBI special task force.
Gimando-an ang bise presidente nga moadto sa NBI headquarters karong adlaw nga biyernes aron ipasabot ang nahimong pamahayag niini nga ipapatay si Marcos, speaker Martin Romualdez ug First Lady Araneta Marcos.
Nanawagan usab ang NBI nga dili papason ang video sa press conference ni Duterte aron magamit kining ebidensya.
Samtang sigon ni Senador Ronald Bato Dela Rosa nga gikataw-an lamang ni VP Sara ang subpoena nga bitbit sa NBI.
Sigon pa ni Bato nga “she is ready to rumble” na sumala pa.
Samtang gihimakak sab sa Bise Presidente ang assassination threats batok kang PBBM.
Gibatikos sab niini ang mali nga interpretasyon sa iyahang mga naunang pamahayag ug pagkonsidera sab sumala pa sa mga otoridad isip usa ka national security issue.
Gikanayon sab niini nga mubalos sab kini sa usa matud pa nga “grave crime” ngadto sa tulo ka mga indibidwal.
