DAVAO CITY – Gikumpirma sa NBI 11 nga ila nang napasa ngadto sa Special Investigation Task Group ang resulta sa imbestigasyon sa kamatayon sa negosyanteng si Yvonette Chua Plaza.
Gikanayon mismo kana ni Atty. Arcelito Albao, director sa NBI SEMRO 11 kaniadto pang Lunes.
Apan gitino sab nila nga bugtong ang SITG lamang ang makahatag og impormasyon kalabot sa resulta sa imbesigasyon sa pagpamusil-patay kang Chua.
Kahinumudumang gipanaad ni DCPO Director na si Colonel Alberto Lupaz nga gikatakdang makakuha ang SITG og resulta sa imbestigasyon sulod sa duha ka simana, samtang gipasalig sab ni Police Regional Office 11 Regional Director BGen. Benjamin Silo Jr. ang patas ug makatarunganong pagsulbad sa maong kaso.
Kasamtangag nagkigtambayayong ang PRO-XI ug NBI-XI alang sa pagsulbad sa kaso aron gilayong mahatagan og hustisya ang nahabiling pamilya sa biktima.
Kahinumdumang gipusil-patay si Chua sa mga armadong lalaki kaniadtong Disyembre 29, 2022 sa Barangay Sto. Niño, Tugbok, Davao City.
Nagpagawas sab ug P1 million nga ransom ang kapulisan alang sa mga maka-report og impormasyon mahitungod sa gikahimutangan sa mga suspek nga kasamtangang nagtago-tago karon gikan sa mga otoridad.
via || Bombo LJF
